想重新佈置屋企？無論你係想選購新傢俬、裝飾品定係家品雜貨，去我哋以下嚴選嘅香港傢俬店就啱喇！
身為室內設計愛好者，我哋鍾情於絲絨梳化、摩登嘅燈飾同北歐風嘅家具。雖然我哋好鍾意行一般嘅生活用品店，但喺選購傢俬方面， 我哋就有更加高嘅要求喇！如果你正喺度計劃搬屋或者改造房間，除咗揀啱心水嘅重力被同床上用品之外，我哋亦為你搜羅咗最優質嘅香港傢俬店，方便大家買最平靚正嘅梳化、餐枱、茶几等等嘅傢具。
想全面改造家居？睇睇我哋特選嘅高質香港傢俬店
1. The Editors Company
The Editors Company 係 一間專注於品質同耐用性嘅香港傢俬店邊個話好嘅安樂窩一定要大？就算喺面積少嘅公寓，The Editors Company 都可以用精美家俬同設計嚟為你打造獨一無二嘅一個家。佢哋嘅專業設計師會喺超過 100 個頂級品牌中為你精心挑選家俬同裝飾，同你一齊設計一個啱你心水嘅空間。 唔想大規模裝修？The Editors Company 會喺佈局、色彩、燈光等方面提供專業意見，喺每個環節提供個人化嘅提議。更加吸引嘅係佢地只需要每間房 $3,500 嘅固定收費，就可以為你提供五星級服務 —— 絕無任何隱藏費用！只需要完成一個風格評估，就可以同設計師進行免費諮詢。
了解更多關於 The Editors Company 嘅服務。
2. Hush Home
照片：Hush Home 官方 Facebook對於忙碌嘅都市人嚟講，冇咩比起充分嘅休息同睡眠更為重要！Hush Home 旨在透過五星級嘅睡眠改善每個人嘅健康，以最合理嘅價格提供一系列優質床上用品同家具。由舒適嘅床墊到超柔軟嘅埃及長絨棉再到實木床架，所有產品都喺美國三藩市設計同測試，並且採用可持續發展同最高品質嘅天然材料。Hush Home 甚至會組織唔同嘅活動，分享團隊對睡眠嘅研究，幫大家了解睡眠嘅科學之餘，可以瞓得更加好，為你嘅每一日注滿活力！
Hush Home：上環干諾道西28號威勝商業大廈2樓07室，電話：3500 9475
3. Ziinlife
照片：Ziinlife Designs 官方 Facebook講到香港嘅傢俬舖，你未必會第一時間諗起 Ziinlife，但係佢哋絕對係我哋最愛嘅家具店之一！嚟自上海嘅 Ziinlife 價格親民，俾大家都可以輕鬆選購平靚正嘅家居產品。另外，Ziinlife 擅長製造線條乾淨俐落、設計獨特嘅傢俬，受到唔少室內設計愛好者嘅歡迎。
Ziinlife：觀塘觀塘道398號 Eastcore 606室，電話：2180 8015
4. Normann Copenhagen
Normann Copenhagen 的系列經久耐用，成為子孫後代珍貴的傳家寶由大形嘅家俬，到燈飾同生活用品，Normann Copenhagen 可以昇華你嘅生活環境。呢間香港傢俬店提供左兩其美嘅家品設計，將功能同優美嘅納維亞風格融為一體。品牌產品亦以耐用性而聞名，由最優質嘅材料同專業工藝製造而成。Normann Copenhagen 為木材、金屬同皮革等傳統材料注入新嘅生命，塑造出標誌性嘅 Form Chair 等創新家俬。Form Chair 嘅簡潔線條同優雅輪廓能夠為任何空間增添精緻感。 Normann Copenhagen 更加喺佢嘅產品生產過程中以環保同可持續嘅方式同設計，採用回收材料製成多種特色家俬，例如 Bit Stool。
Normann Copenhagen：中環都爹利街11號律敦治中心1樓102-103室，電話：3611 7114
5. Ikea 宜家家居
照片：Ikea 宜家家居官方 Facebook宜家家居唔止得個 marketing 出色㗎——佢哋仲具備各式各樣嘅北歐風傢俬同生活雜貨，價錢又經濟實惠，抵佢哋咁受歡迎！我哋特別鍾情於佢哋嘅 Kallax 儲物櫃、Malm 床架同時尚嘅地毯。成本有限但係又想改造家居嘅話，宜家家居會係你嘅不二之選。
Ikea 宜家家居喺全港有多間分店。
6. TREE
照片：TREE Hong Kong 官方 Facebook講到香港嘅傢俬店，你一定會識得 TREE。呢個家品牌子多年嚟致力用環保核桃同橡木重新製作或者循環再造傢俬，而且仲會將部分嘅收益捐俾慈善機構 Trees4Trees，幫助保育印尼嘅森林。大家不妨為環保出一分力，支持 TREE 嘅環保傢俬。
TREE 喺鴨脷洲同沙田都有分店。
7. Indigo Living
照片：Indigo Living 官方 Facebook想訪客感受到你嘅家居品味？選購 Indigo Living 嘅設計師傢俬就啱嘞。由懷舊風嘅皮革傢俬到優閒座椅到顏色亮麗嘅絲絨梳化，Indigo Living 嘅時尚家品同獨特嘅擺設一定唔會令你失望。
Indigo Living 喺香港有幾間分店。
8. Heveya®
照片：Heveya Hong Kong 官方 Facebook一張舒服嘅床褥絕對能夠提升睡眠質素。Heveya®（前身為 Okooko by European Bedding）唔單止可以幫你揀選最啱你嘅床褥，佢哋仲致力保護環境，用可持續性物料製造唔同嘅有機乳膠床褥同環保床架。各位可以去佢哋位於中環嘅 showroom，親自體驗吓唔同款嘅床褥，順便買返幾張床單。另外，Heveya® 經常都會推出新系列，而佢哋嘅職員亦都幾友善㗎——唔信嘅話，大家可以睇吓佢哋喺 Google 嘅五星評價！
了解更多關於 Heveya®，或者親自參觀佢哋位於鴨脷洲新海怡廣場28樓 TREE 旗艦店內嘅陳列室，電話：2870 1582 / 6286 1132 (WhatsApp)
9. BoConcept
照片：BoConcept 官方 Facebook如果你鍾意簡約時尚嘅家居風格，咁你就一定要睇睇 BoConcept 嘅傢俬同家品系列喇。由梳化到餐枱，到吧凳甚至床架，呢個丹麥家居品牌嘅產品都會令你眼前一亮。雖然 BoConcept 嘅價位偏高，但係佢哋嘅家具保證能夠俾你全新嘅家居佈置靈感。
BoConcept 喺香港有幾間分店。
10. Decor8
照片：Decor8 Hong Kong 官方 FacebookDecor8 係一間現代化嘅香港家俬店，有無數嘅家具裝飾選擇。潮流地毯、絲絨腳凳、摩登燈飾…… 如果你鍾意活潑俏皮風嘅話，Decor8 一定可以幫你打造你理想嘅家居。呢間絕對係香港最受歡迎嘅家俬店之一！
Decor8 喺旺角同灣仔都有分店。
11. Alot
照片：Alot Living Limited 官方 Facebook鍾意乾淨俐落的家品？你絕對唔可以錯過 Alot（After Life Of Tree），一個北歐風嘅傢俬品牌。我哋尤其鍾愛佢哋嘅 Klad 凳、Lock 吧凳同埋 Spot 咖啡枱。
Alot 喺香港有幾間分店。
12. Manks
照片：Manks 官方 Facebook由古董到設計師單品，Manks 嘅傢俬非常之重視現代設計美感。如果你搵緊北歐風傢俬嘅話，不妨望望佢哋嘅 Nanna Ditzel Trinidad 同 Fritz Hansen Swan 凳。雖然 Manks 嘅產品屬於中高價位，但係對於重視家居品味嘅人嚟講，呢個將會算係唔錯嘅投資。
Manks：黃竹坑香葉道30號長德工業大廈14樓，電話： 2522 2115
13. Francfranc
照片：Francfranc Hong Kong 官方 Facebook用 Francfranc 充滿活力嘅家俬同家居用品，為你嘅安樂窩增添色彩！無論係小巧嘅裝飾品定係超實用嘅生活用品，你都可以喺 Francfranc 搵到。佢哋嘅產品唔單止時尚，更加十分之現代化同擁有豐富嘅色彩。多樣化嘅系列裏面，一定會有啱你心水嘅家具。
Francfranc 喺全港都有分店。
14. Homeless Lifestyle Store
照片：Homeless.hk 官方 Facebook雖然「Homeless」呢個名對於一間家俬店嚟講似乎有啲諷刺，但係呢個名其實係指 Homeless 家俬鋪入面嘅產品！你會喺呢度搵到各式各樣嘅小飾品、生活用品同小家俬。想買到 Homeless 嘅大型家俬，不妨喺佢嘅網店選購一下。Homeless 亦擁有一系列嘅獨立品牌，幫你搵到合適又獨特嘅家俬。
Homeless Lifestyle Store 喺全港都有分店。
15. 匠之工房
照片：Wood Artisan Ltd 官方 Facebook鐘意和風設計嘅你，一定要關注下 Wood Artisan 嘅手工家俬，將柔和嘅木質元素引入家中。呢間香港家俬店提供各種商品，由梳化到衣櫃到餐桌套件都一應俱全，而且風格優雅。我們特別鐘意佢嘅 Cocotte 餐枱連櫈套裝，既時尚又靈活，仲好實用添！
匠之工房：觀塘觀塘道398號 Eastcore 5樓2室，電話: 3188 5499
[本文原於2021年2月出版，並於2024年由李綺婷更新。]
